Halldór kokkurá Heilsustofnun NLFÍ heldur áfram að deila með okkur uppáhalds uppskriftum sínum. Fyrir valinu í dag var gómsætt svartbaunaquesadilla með lárperusalsa. Þessi réttur er exótískur og mun ábyggilega gleðja bragðlaukana.
Uppskrift
1 dós svartar baunir
1 krukka sólþurrkaðir tómatar
1 dós maukaðir tómatar
1 laukur smátt saxaður
1 græn paprika smátt skorin
4 hvítlauksrif smátt saxað
½ tsk karrý
½ tsk cumin
handfylli saxaður kóríander
½ tsk salt
1 tsk pipar
rifinn ostur
heilhveiti tortillur
Aðferð
Steikjið lauk, papriku, hvítlauk, karrý og cumin í potti. Mauka sólþurrkuðu tómatana í matvinnsluvél og setja út í pottinn ásamt tómatmaukinu svo fara svörtu baunirnar út í. Salt og pipar bætt í. Láta þetta malla við vægan hita í um 10 mínútur. Síðast er svo ferskum kóríander hrært saman við.
Þetta er svo kælt og þegar blandan er orðin köld er hún smurð á tortillurnar rifnum osti dreyft yfir og lokað með annari tortillu. Olía hituð á pönnu og kakan steikt þar til hún er fallega brún á báðum hliðum. Þvínæst skorin í helming og sett uppá disk borið fram með lárperusalsa og sýrðum rjóma.
Lárperusalsa
2 lárperur
1 rauðlaukur
3 hvítlauksrif
safi úr ½ sítrónu
1 lúka ferskur kóríander
smá salt
Allt skorið smátt og blandað saman
Með bestu kveðju og gangi ykkur vel, Halldór kokkur.
