Hollara páskanammi? Hvernig hljóma kakókúlur með appelsínubragði sem uppfylla súkkulaðilöngunina og gefa okkur góða orku í leiðinni.
Appelsínubragðið gefur skemmtilegan karakter og ferskleika á mótisúkkulaðibragðinu. Á mínu heimili hafa þessar slegið í gegn sem „nammi“ kúlur. Yngstu kynslóðinni þykir líka gaman að taka þátt í að búa þær til ….og láta þær hverfa jafnóðum. Skemmtileg og einföld afþreying fyrir krakkana í páskafríinu.
Ég vel að nota lífrænt hráefni í mínar hrákúlur og þar sem börkurinn af appelsínunni er notaður í þessa uppskrift þá er mikilvægt að nota lífræna appelsínu í kúlurnar. Ef þú finnur ekki lífræna appelsínu þá myndi ég skipta út berki fyrir meiri appelsínusafa.
Þú þarft:
- 2 dl lífrænar möndlur
- 2 dl lífrænar kasjuhnetur
- Börkur af 1 lifrænni appelsínu (ca 1 msk)
- 3 msk lífrænt kakó + kakó til að velta uppúr
- 15 ferskar döðlur (það þarf að taka steininn úr)
- safi úr 1/2 appelsínu
- hnífsoddur salt (má sleppa)
Aðferð:
- Byrjið á að setja möndlur og kasjúhnetur í matvinnsluvél og gera að
smáu kurli. - Bætið kakó og rifnum appelsínuberki útí og blandið aftur. Ef þið setjið
salt útí má það fara hér útí. - Steinhreinsið döðlurnar og setjið útí ásamt appelsínusafanum og
blandið enn meira. - Rúllið upp í passlega stórar kúlur og veltið uppúr kakói.
- Geymist í ísskáp eða frysti. Geymast lengur í frysti…en þessar eru sjaldan til lengi…þið skiljið;)
Verði ykkur að góðu.
