Ótrúlega einfaldur og fljótlegur morgunverður fyrir einn. Þú þeytir eggið og bætir við kotasælu þannig að það passi sæmilega i það form sem þú átt. Smápottur eins og sést á myndinni hér að neðan eða múffuform henta fullkomlega. Í þessa eggjaköku bætti ég vænni matskeið af sinnepi og einni sneið af rifinni parmaskinku sem var til í skápnum. Allt grænmeti og afgangar henta vel en þetta er samt fyrst og fremst egg og kotasæla. Gott að setja smávegis af rifnum osti á toppinn.
Þú þarft:
- 1 egg
- Kotasæla
Aðferð:
- Smyrðu formið vel með smjöri eða olíu og láttu örlítið af hveiti festast í feitinni.
- Þeyttu eitt egg og blandaðu kotasælu við þannig að það passi í formið sem þú notar.
- Bættu við bragðefnum eins og ferskur kryddi eða sinnepi og eitthvað smotterí af grænmeti eða öðru handhægu úr ísskápnum. Rífðu smávegis af osti yfir.
- Bakað í ofni við 190 gráður þar til fallega brúnt.
Myndir: Pálmi Jónasson
