Svona salat er reglulega á borðum á mínu heimili og engin ástæða til að fara nákvæmlega eftir uppskrift. Um að gera að nýta það sem er í skápunum prófa eitthvað frumlegt. Nota risarækjur, grjón fyrir pasta eða hvítmygluost í stað þess gríska svo dæmi séu tekin. Uppskriftin er passleg fyrir sex með góðu hvítlauksbrauði.
Þú þarft:
- 350 gr pasta
- 1 poki klettasalat
- 1/2 lítið rauðkál
- 1 rauð paprika
- 1 mangó
- 1 stórt avókadó
- 200 gr grískur grillostur
- 1 lítil dós ananashringir
- 3 vorlaukar
- 4 tómatar
- 400 gr rækjur
- 5 harðsoðin egg
- Ferskar kryddjurtir
Aðferð:
- Sjóðið pasta og kælið. Skerið rauðkál og papriku í þunna strimla en mangó og avókadó í teninga. Tómatarnir fræhreinsaðir og skornir í bita. Blandið öllu saman og setjið í stóra skál.
- Rækjurnar eru látnar þiðna. Rífið gríska grillostinn (Kolios Grill & Fry) og þurrsteikið á pönnu. Eggin eru harðsoðin og skorin í bita eins og ananasinn og vorlaukurinn. Setjið þetta smekklega ofan á salatið ásamt ferskum kryddjurtum, t.d. basilíku og myntu. Berið fram með góðu hvítlauksbrauði.
- Gerið hvíta sósu úr 400 grömmum af grískri jógúrt, majónesi eða blöndu af þessu tvennu, ásamt safa og berki af hálfri sítrónu, hvítlauksrifi og örlitlu af salti. Berið fram í skál með salatinu.
Myndir: Kristín Pálmadóttir Thorlacius og Pálmi Jónasson
