Evrópsku Heilsulindasamtökin ESPA hafa veitt Heilsustofnun í Hveragerði viðurkenningu fyrir framúrskarandi starf í Hveragerði á Íslandi. Viðurkenningin var veitt við við hátíðlega athöfn á aðalfundi samtakanna í Haapsalu í Eistlandi 9. október. Í viðurkenningarskjalinu segir að Heilsustofnun fái þessa viðurkenningu fyrir framúrskarandi gæði og árangur við endurhæfingu, nýsköpun í vatnsmeðferð og staðfestu í heilbrigðisþjónustu í 70 ár.
Á myndinni eru Þórir Haraldsson, forstjóri Heilsustofnunar, Margrét Grímsdóttir, framkvæmdastjóri hjúkrunar og Dr. Siyka Katsarowa, nýkjörinn forseti ESPA sem afhenti viðurkenninguna. Að neðan er mynd af viðurkenningarskjalinu.
