Graskerssúpa með naan brauði

Hér er uppskrift af gómsætri graskerssúpu sem er úr smiðju eldhúss Heilsustofnunar NLFÍ. Þessi súpa er frábær með góðu naan brauði.

Graskerssúpa:

• 2 msk jurtaolía
• 1 laukur, saxaður
• 2 hvítlauksgeirar, saxaðir
• 300 g af skrældu graskeri, skorið í ca 3 cm bita
• 100 g af skrældum karftöflum, saxaðar í bita
• 600 ml af grænmetissoði
• 1 dós kókosmjólk
• 1 tsk cumminfræ
• 2 tsk safi úr lime
• Sjávarsalt og svartur pipar eftir smekk

Aðferð:

1. Brúnið lauk, hvítlauk og cumminfræin í olíunni við meðalháan hta í nokkrar mínútur.
2. Bætið við graskerinu, kartöflum, soði og kókosmjólk. Sjóðið þetta við vægan hita í um 20 mínútur, eða þar til grænmetið er orðið vel meyrt. Maukið þetta svo með töfrasprota eða í matvinnsluvél.
3. Limesafa er bætt saman við og kryddað til. Gott að nota sýrðan rjóma með.

Naan brauð:

• 1 kg heilhveiti
• 1 lítri AB-mjólk
• 1 tsk lyftiduft
• 1 tsk matarsóti
• Ögn af salti, pipar eða hvítlauk

Aðferð:

1. Betra er að laga degið kvöldinu áður.
2. Deigið er svo flatt úr, penslað með bræddu smjöri og kryddað með salti, pipar og jafnvel hvítlauk.
3. Bakað í ofni við 200 gráður í 5-10 mínútur.