Lax puttanesca

Einfölduð uppskrift úr smiðju Ottolenghi. Uppskriftin passar vel fyrir sex en gott að hafa steiktar kartöflur eða brauð á kantinum.

Olían:

• 70 ml ólífuolía
• 8 ansjósuflök
• 2 msk tómatmauk
• 1 tsk chiliflögur
• 2 tsk marin kóríanderfræ
• 4 saxaðir hvítlauksgeirar
• 1 sítrónubörkur
• 2 tsk hunang

Aðferð:

1. Látið olíu, ansjósur og tómatmauk í pott og látið malla á vægum hita í 5 mínútur. Bætið við chiliflögum og kóríanderfræjum og bætið við einni mínútu. Takið pottinn af hitanum.
2. Bætið við hvítlauk, sítrónuberki og hunangi. Hrærið vel og leyfið þessu að kólna í 15 mínútur.

Fiskurinn:

• 1,2 kíló roðdreginn lax
• 2 sítrónur
• Salt og pipar
• 250 g kirsuberjatómatar

Aðferð:

1. Hitið ofninn í 200 gráður og smyrjið eldfast fat eða notið bökunarpappír. Snyrtið og þerrið fiskinn vel.
2. Skerið sítrónurnar í sneiðar og raðið í botninn á fatinu. Saltið fiskinn og piprið hann vel á báðum hliðum áður en hann fer ofan á sítrónurnar. Setjið hálfskorna tómata til hliðar í fatið og makið kryddolíunni yfir fiskinn.
3. Bakið í 15-18 mínútur og leyfið fisknum að hvíla í nokkrar mínútur áður en hann er borinn fram.

Salsa:

• 80 g ólívur
• 40 g kapers
• 1 sítróna
• 2 msk ólívuolía
• Basilíka

Aðferð:

1. Blandið öllu saman og setjið yfir fiskinn áður en hann er borinn fram.

Myndir: Kristín Pálmadóttir Thorlacius