Tortillur með baunum og salsa

Tortillur úr eldhúsi Heilsustofnunar Náttúrulækningafélagsins í Hveragerði. Hér er hollustan í fyrirrúmi og heimagert salsa og guacamole gera gott enn betra. Uppskriftin miðast við fjórar tortillur.

Þú þarft:

• 4 heilhveiti tortillur
• 300 g soðnar nýrnabaunir
• 1 saxaður laukur
• 4 saxaðir hvítlauksgeirar
• 1 tsk kanel
• 100 g gulrætur í teningum
• 100 g sellerírót í teningum
• 1 dós tómatar
• 1/2 bolli rifinn ostur

Salsa:

• 2 stórir tómatar eða 4 litlir
• 1 paprika
• 2 vorlaukar
• 1 grænt chili
• 1 lime, safinn
• Salt og pipar

Guacamole:

• 1 þroskað avocado
• 1 tómatur
• 3 vorlaukar
• 1 lime, safinn
• Salt og pipar

Aðferð:

1. Brúnið grænmetið með kanil og bætið við tómötum og nýrnabaunum. Sjóðið í um 10 mínútur. Setjið fyllinguna í tortillurnar og bakið í ofni við 200 gráður í 10 mínútur.
2. Saxið allt í salsað og blandið saman í skál.
3. Stappið avocado og setjið í skál og bætið við fínt skornum tómat og vorlauk. Smakkið til með lime, salti og pipar.
4. Berið tortillurnar fram með guacamole, salsa, hýðishrísgrjónum og góðu salati.