Zaatar er miðausturlensk kryddblanda sem er notuð í marga mismunandi rétti. Zaatar er blanda af mismunandi kryddum eftir því í hvaða hluta miðausturlanda er miðað við, en oftast eru það oregano, timjan, kóríanderfræ, cumin, ristuð sesamfræ og sumac sem gera þessa frægu kryddblöndu.
Hægt er að kaupa blönduna tilbúna í sérvöruverslunum og betri matvörubúðum. Í þessari uppskrift er notast við zaatar kryddblöndu frá Kryddhúsinu.
INNIHALD
500 gr gulrætur í bitum
3 msk ólífuolía
1 msk sítrónusafi
1 msk zatar kryddblanda frá Kryddhúsinu
¼ tsk cumin
Salt og pipar að smekk
AÐFERÐ
Öllu blandað vel saman og bakað í ofni á 200 gráðum í um 30 mínútur. Hræra í þessu eftir 15 mínútur til þess að það bakist jafnt.
ÞEYTTUR FETAOSTUR
1 krukka jurta- eða venjulegur fetaostur
2 msk grísk jurta- eða venjuleg jógúrt
Fínt rifin börkur af 1 appelsínu
AÐFERÐ
Þeytum saman jógúrt og fetaost með handpískarara eða í blandara með smá ólífuolíu, salti og pipar þangað til mjúkt og fínt. Smyrjum þessu svo á disk og toppum með Zaatar gulrótunum, fínt rifnum appelsínuberki, meiri ólífuolíu og steinselju.
