Byggbollur með chili og rauðrófum úr smiðju Halldórs Steinsson yfirmatreiðslumeistara á Heilsustofnun Náttúrulækningafélagsins í Hveragerði. Gott að hafa með þessu karrýsteikt blómkál, hvítlauksristaðar kartöflur og sveppasósu eins og sjá má á myndinni.
Byggbollur:
- 400 g soðið bygg
- 300 g fínt rifin rauðrófa
- 1-2 msk sambal oelek chilimauk
- 1 rauðlaukur, smátt saxaður
- 3 hvítlauksrif
- 2 msk tómatpúrra
- 2 sellerístilkar, smátt skornir
- 2 msk mangó chutney
- 1 tsk karrý
- Þumall af engiferrót, fínt saxað
- ½ tsk cumin
- Hnefafylli saxaður kóríander
- Salt og pipar
Aðferð:
- Steikið lauk, rauðrófur, hvítlauk, sellerí, karrý, engifer og cumin í potti. Láta þetta malla við vægan hita í 10 mínútur.
- Bætið við kóríander, chutney, púrru, chilimauki og loks bygginu. Kælið.
- Mótið bollur og bakið í ofni við 180 gráður í 20-25 mínútur.
Verði ykkur að góðu!
