Pistasíuhjúpuð seljurót með basilmauki úr smiðju Halldórs Steinsson á Heilsustofnun Náttúrlækningafélagsins í Hveragerði. Gott með villisveppasósu, ofnsteiktum kartöflum og blómkáli.
Pistasíuhjúpuð seljurót:
- 1 stór seljurót
- 3 egg
- Pistasíuhnetur
- Salt og pipar
Aðferð:
- Seljurótin er hreinsuð og skorin í sneiðar og soðin í 5-7 mínútur í léttsöltu vatni
- Sneiðarnar eru þerraðar á pappír og látnar kólna.
- Eggin eru pískuð í skál með smá salti og pipar og hneturnar malaðar fínt í matvinnsluvél.
- Fallegt er að skera sneiðarnar út í ferhyrning eða hring og væta svo í egginu og hjúpa í hnetunum.
- Ofninn hitaður í 180°C og sneiðarnar settar á bakka með smjörpappír undir og bakað í 12 mínútur eða lengur, fer allt eftir þykkt sneiðanna.
Basilmauk:
- 2-3 dl. góð ólífuolía
- 1 box basil
- 300 gr kasjúhnetur
- 3 geirar hvítlaukur
- Smá sítrónusafi
Aðferð:
Allt sett í blandara og unnið í mauk.
Villisveppasósa:
- 2 lúkur af þurrkuðum villisveppum lagðir í bleyti
- 1 laukur smátt saxaður
- 1 sellerí stilkur
- 4 hvítlauksgeirar
- 5 stk. sólþurrkaðir tómatar
- 1 tsk. timjan
- 1 tsk. rósmarín
- 250 ml. grænmetissoð
- 250 ml. kókosmjólk
- 1 lúka söxuð steinselja
Aðferð:
- Villisveppirnir lagðir í bleyti.
- Léttsteikið lau, sellerí og hvítlauk í smávegis af olíu í potti. Bætið við tómötum og villisveppum með svolitlu af sveppavatninu. Öllu öðru bætt við og látið malla við vægan hita í 10 mínútur. Maukað með töfrasprota og ef þið viljið þykkja sósuna má nota maísmjöl, kartöflur eða hveitijafning.