Einföld linsusúpa sem við eldum oft í ferðalögum. Þú þarft bara einn pott og hráefnið er þurrvara plús laukur og sítróna sem þarf ekki að vera í kæli. Fullkomið til að taka með í langferðalagið og elda á prímusnum. Bónusinn er svo hvað hún er mettandi og næringarþétt.
Þú þarft:
- 1 msk ólífuolía
- 1 tsk cumin fræ
- 1 lárviðarlauf
- 1 laukur
- 1 msk jurtakraftur/grænmetiskraftur (gerlausan)
- 2 dl rauðar lífrænar linsur
- 500 ml vatn
- 1 flaska af lífrænni tómat passata
- 1 dós lífræn kókosmjólk
- 2 tsk karrý
- safi úr 1/2 sítrónu
- ca 1/2 tsk jurtasalt
Aðferð:
- Byrjið á að hita ólífuolíuna og setja svo cuminfræin útí og leyfið að hitna í smá stund.
- Bætið smátt skornum lauknum útí ásamt lárviðarlaufinu og jurtakrafti. Steikið þar til laukurinn er orðinn mjúkur, bætið pínu vatni útí pottinn ef laukurinn fer að brenna við.
- Nú má bæta linsum, vatni, tómat passata, kókosmjólkinni og karrý útí og leyfið að malla þar til linsurnar eru orðnar mjúkar.
- Bætið við sítrónusafa fyrir ferskleik sem er algjört lykilatriði að mínu mati. Smakkið til og saltið eftir smekk.