Pönnusteiktur steinbítur með gljáðum gulrótum og heimagerðu remúlaði. Einfalt, gott og fljótlegt. Uppskriftin passar fyrir fjóra. Gott að byrja á remúlaðinu og láta það taka sig í ísskáp. Graslaukinn má nýta sem skreytingu á fisk, gulrætur og remúlaði.
Fiskurinn:
- 800 g steinbítur
- 1 egg
- Salt og pipar
- Pankó raspur
- Smjör og olía
Aðferð:
- Þerrið fiskinn vel og skerið í hæfilega bita.
- Þeytið egg og kryddið það með salti og pipar. Veltið fiskinum í egginu og svo pankó raspinum.
- Steikið fallega brúnt á pönnu.
Remúlaði:
- 200 g grískt jógúrt
- 3 msk kapers
- 3 msk graslaukur
- 3 ansjósuflök
- 1 msk túrmerik
- 1 tsk hunang
- Salt og pipar
Aðferð:
- Saxið kapers, graslauk og ansjósur. Öllu blandað saman í skál og geymt í ísskáp fram að notkun.
Gulrætur:
- 800 g gulrætur
- Smjör og hunang
Aðferð:
- Sjóðið gulrætur aðeins og látið þær svo þorna aðeins í sigti. Þær eiga að vera „al dente“.
- Setjið þær í eldfast fat með smjöri og hunangi. Brúnið í ofni við 180-200 gráður á meðan fiskurinn er steiktur.
Verði ykkur að góðu!
Myndir: Pálmi Jónasson