Sumarið er á næsta leiti og því er ekkert annað í stöðunni en að draga fram grillið og henda í einn gómsætan veganborgara. Þessi er rosalegur borinn fram með BigMac sósu og salati.
Innihald fyrir 3-4 borgara
- 1 dós nýrnabaunir sigta, skola og þurrka.
- 60 gr haframjöl
- 1 laukur fínt saxaður
- 25 gr speltmjöl
- 1 msk sojasósa
- 1 msk amerískt gult sinnep
- 2 tsk reykt paprikuduft
- 1 tsk malað brauðkúmen
- salt/pipar að smekk
Aðferð
Brúna laukinn vel á pönnu og krydda með öllum kryddum. Stappa baunum saman við hafra, hveiti, sojasósu og sinnep. Blanda svo öllu saman og smakka til með salt og pipar. Hnoða í hamborgara og geyma á kæli í 2-3 klst fyrir steikingu/grill.
Big Mac sósa
- 1dl kasjúhnetumæjónes eða eitthvað veganmæjó
- 2 msk fínsöxuð sýrð agúrka
- 1 msk gult amerískt sinnep
- 1 tsk eplaedik
- 1 tsk hvítlauksduft
- 1 tsk laukduft
- 1 tsk paprikukrydd
Aðferð
Öllu blandað saman.