Það er okkur hjá NLFÍ mikill heiður að tilkynna að Halldór kokkur á Heilsustofnun mun næstu mánuði deila grinilegum og næringarríkum uppskriftum með okkur hér á síðunni.
Halldór ríður á vaðið með litríku rauðrófu- og kjúklingabaunasalati.
Þetta salat er frábært eitt og sér eða sem meðlæti með grænmetis- eða fiskréttum.
Innihald
400 gr (1 dós) soðnar kjúklingabaunir
300 gr elduð rauðrófa í teningum
½ agúrka í teningum
150 gr fetaostur
Handfylli af blönduðum ólífum
1 rauðlaukur saxaður
Handfylli af fersku dilli, saxað
Safi úr einni sítrónu
4 msk ólífuolía
Salt og pipar eftir smekk
Aðferð
Öllum hráefnunum er komið fyrir í skál og þeim blandað vel saman. Best er að láta salatið í kæliskáp og leyfa því að taka sig í 30 mínútur áður en það er borið fram.
Verði ykkur að góðu.