Halldór kokkur á Heilsustofnun deildi þessari hollu og skemmtilegu uppskrift með okkur. Til að auka grænmetisneysluna er um að gera að prófa sig áfram í matreiðslu á grænmetinu.
Innihald
- Toppkálshaus eða lítill hvítkálshaus
- Handfylli kasjúhnetur
- 1 msk næringarger
- ½ tsk reykt paprikuduft
- ½ tsk hvítlauksduft
- ½ tsk laukduft
- Heitt vatn
- 3-4 msk gott hvítlauks brauðrasp
- 1 msk saxaður graslaukur
Aðferð
Hitum ofninn í 200 gráður. Skerum kálið í fernt og penslum það með ólífuolíu og smá salti. Bökuð það svo í 35-40 mínútur eða þangað til það hefur grillast og tekið góðan lit.
Á meðan kálið er í ofninum setjum við kasjúhnetur, næringager, paprikukrydd, hvít og laukduft í blender ásamt heitu vatni svo rétt fljóti yfir og vinnum þetta í silkimjúka og fína sósu smökkum hana til með salt og pipar. Setjum kálið á disk og hellum sósunni yfir ásamt brauðraspi og graslauk