Hollustustykki

Hér eru uppskriftir af hollustustykkjum sem þú getur gert heima og eru þau margfalt hollari en mikið af þeim „hollustu“stykkjum sem fást í matvörubúðum.

Hnetusmjörsstykki

Uppskrift
7 döðlur
5 tsk heitt vatn
130 g hnetusmjör, ósætt
3 msk sýróp
1 tsk vanilludropar
300 g tröllahafrar
2 tsk chiafræ
2 tsk hörfræ

Aðferð:

1. Setjið döðlurnar í heitt vatnið í um 10 mínútur og svo í blandara.
2. Þessu er blandað við hnetusmjör, sýróp og vanillu og hitað á pönnu þar til það er vel blandað saman.
3. Því næst er tröllahöfrum, chiafræjum og hörfræjum bætt við hnetusmjörsblönduna í stóra skál.
4. Breyddu úr blöndunni á plötu með bökunarpakkír og þrýstu létt niður. Blandan er því næst látin vera í frysti í minnst tvær klukkkustundir.
5. Skerðu svo í  stykki í þeim stærðum sem henta þér og geymdu í frysti.

---

Bananabrauðsstykki

Uppskrift

320 g tröllahafragrautur
2 msk hörfræ
1 tsk kanill
½ tsk salt
2 bananar, vel þroskaðir
4 msk hunang
1 tsk. vanilludropar
12 g döðlur, saxaðar

Aðferð:

1. Hitið ofninn í 180 gráður
2. Blandið hafragraut, hörfræjum, kanil og salti í stóra skál. Bætið við banönum, hunangi og vanilludropum og blandið vel saman. Bætið síðan döðlunum við.
3. Setjið á ofnplötu með bökunarpappír. Bakað í 20-30 mínútur eða þar til bitinn er orðinn brúleitur.
4. Kælið og skerið í hentuga bita.

---

Granólastykki

Uppskrift

160 g tröllahafragrautur
40 g Kellogg´s kornflögur
2 msk chiafræ
2 msk hörfræ
35 g graskersfræ
25 g möndlur, saxaðar
60 g möndlusmjör
120 g hunang
2 msk dökkt súkkulaði í bitum

Aðferð:

1. Blandið hafragraut, kornflögum, fræjum, súkkulaði og möndlum í skál.
2. Hitið hunang og möndlusmjör í 45 sekúndur í örbylgjuofni og hellið yfir blönduna í skálinni.
3. Blandið vel saman og setjið á plötu með bökunarpappír og þrýstið létt niður.
4. Þetta er svo sett í frysti í 30 mínútur. Skerið síðan í hentuga bita.

---

Þýtt og endursagt:
https://www.runtastic.com/blog/en/homemade-granola-bars-3-quick-easy-diy-recipes/