Matarmikil grænmetissúpa úr smiðju Gosia Madej. Upplagt að elda fyrir ferðalagið og hita upp á köldu kvöldi.
Grænmetissúpa
- 250 ml grænmetiskraftur
- 250 ml hakkaðir niðursoðnir tómatar
- 500 ml kókosmjólk
- 2 laukur skornir í teninga
- 3 gulrætur skornar í teninga
- 1 kúrbítur skorin í teninga
- 1 spergilkál (aðeins blómin)
- 1 sæt kartafla skorin í teninga
- ½ blómkál (aðeins blómin)
- 80 gr fersk steinselja
- 2 sítrónugrös
- 2 msk ólífuolía, til steikingar
- ½ msk timian
- ⅓ msk óreganó
- Salt og pipar eftir smekk
- Safi úr ½ lime
Aðferð:
- Setjið í pottinn ólífuolíu og hitið.
- Gyllið laukinn í olíunni og bætið við sætum kartöflum, gulrætum og látið krauma í um 10 mínútur. Bætið svo grænmetiskraftinum og sítrónugrasinu og látið sjóða í smá tíma. Bætið við kókósmjólk.
- Þegar gulræturnar og kartöflurnar eru orðin mjúkar bætið afganginum af grænmetinu í pottinn og sjóðið í um 15 mínútur. Bætið loks tómötunum í pottinn ásamt kryddinu (öllu nema steinseljunni) og lime safanum og bætið 10 mínútum við suðutímann.
- Að lokum áður en súpan er borin fram er ferskri steinselju bætt í pottinn.