Fyrir bæði grænmetisætur og grænkera er þetta tilvalinn veislumatur fyrir matarboð með mexíkönsku þema í sumar. Þessi uppskrift er næringarrík, bragðgóð og hressandi öðruvísi og kemur frá henni Gosiu! Hún er í nokkrum þrepum en ekki láta það vaxa þér í augum því þetta er einfaldur og þæginlegur matur sem tekur enga stund að gera.
MEXÍKÓ KÚRBÍTUR
2 heilir miðlungs stórir kúrbitar
7 msk ólífuolía
½ msk timian
½ tsk salt
Smá pipar
AÐFERÐ
Kúrbíturinn er skorinn í tvennt á lengdina og fræin skafin úr miðjunni með skeið. Það sem skafið er úr kúrbítnum er sett í skál og blandað við ólífuolíuna, timian salt og pipar. Bátarnir (kúrbíturinn) eru þá lagðir á ofnplötu og smurðir með ólífuolíunni. Bakað í ofni við 180 gráður í ca. 20 mín.
—
SÆTKARTÖFLUMÚS
1 stór sætakartafla skorin í bita og velt upp úr smá ólífuolíu, salti og pipar. Þá er hún bökuð i ofni við 180 gráður í ca. 25 min. Gott er að baka hana á sama tíma og kúrbítinn. Þegar sætkartaflan er orðin bökuð er hún maukuð með töfrasprota til þess að búa til mús.
Þá er sætakartöflumúsin sett inn í kúrbítsbátana og þeir settir aftur inn í ofn í 10 min og bakaðir við 180 gráður.
_ _ _
LÁRPERU SALSA
120 gr maís
2 stk lárperur/avókadó skorið í teninga
1 rauð papríka skorin í teninga
½ rauðlaukur skorinn í teninga
Smá pipar & salt
Safi úr ½ sítrónu
Smávefis af vorlauk skorinn í smáa bita
Steinselja eftir smekk
AÐFERÐ:
Öllu blandað saman í skál.
Að lokum, þegar kúrbíturinn með sætkartöflumúsinni er tekin úr ofninum er lárperu salatið sett ofan á hann.
Það er mjög gott að setja parmesan yfir eða þessa grænu sósu:
_ _ _
GRÆN SÓSA
100ml olífuolía
30 gr Fersk basílika
30 gr spínat
15 gr steinselia
Salt
Öllu blandað saman í blandara.
—
Þá er bara að bera þetta fram á fallegan hátt og njóta vel!