„Hefðbundnar“ smalabökur eru með kjöti og kartöflustöppu en smalabaka grænkerans er án kjöts. Kjötlaus smalabaka er ekkert síðri en hefðbundin, auk þess að vera bæði heilsusamlegri fyrir þig og umhverfið.
Þú þarft:
- 1 smátt skorinn laukur
- 3 maukaðir hvítlauksgeirar
- 2 smátt skornar gulrætur
- 1 dós linsur með vökvanum
- Handfylli frosnar grænar baunir
- 2 msk tómatpúrra
- 1 msk hveiti
- 1 msk blanda af rósmarín og timjan
- 2 msk Worcestershire sósa
- Salt og pipar
Aðferð:
- Grænmetið steikt í olíu á pönnu og síðan er tómatpúrru og hveiti blandað saman við og steikt aðeins. Öðrum hráefnum blandað saman við og látið malla aðeins.
- Sett í eldfast mót.
Kartöflustappa:
- 800 gr kartöflur
- 250 ml mjólk eða plöntumjólk
- 2 msk smjör eða plöntusmjör
- Salt
Aðferð:
- Afhýðið kartöflur, skerið í bita og sjóðið.
- Stappið kartöflunum saman við hin hráefnin og smyrjið á bökuna. Notið gaffal til að gera rendur í stöppuna.
- Bakið í ofni við 200 gráður í 20-30 mínútur.
Mynd: Halldór Steinsson